23-11-2023
Бугун эрталабдан туман ҳокими, ҳоким ўринбосарлари томонидан тумандаги ижтимоий соҳаларнинг куз-қиш мавсумига тайёргарлик ҳолати ўрганилди.
Шунингдек, туман коммунал соҳа вакиллари, туман ободонлаштириш бошқармаси ходимлари билан йиғилиш ўтказилиб, уларга ободонлаштириш ишларини жадаллаштириш бўйича топшириқлар берилди.
Куз-қиш мавсумини беталофат ўтказиш бўйича кўп қаватли уй ертўлаларининг мавсумга тайёргарлик ҳолати, уларда олиб борилган таъмирлаш ишларининг натижаси кўздан кечирилди.
Ўрганиш давомида аниқланган камчиликларни бартараф этиш бўйича масъулларга тегишли топшириқлар берилди.
