30-08-2022
Янгиҳаёт тумани Оила ва хотин-қизлар бўлими ва Савдо-саноат палатаси ҳамкорлигида ўз тадбиркорлигини бошлаш истагида бўлган хотин-қизлар учун 5 кунлик ўқув курси ташкил этилди.
Бунда туманимиздаги 13 нафар хотин-қизлар тадбиркорликни йўлга қўйиш, кредит олиш тартиби, ишлаб чиқарган маҳсулотини миллий бозорда сотиш ва шу каби тадбиркорликка доир муҳим кўникмаларни ўрганишди. Шунингдек, иштирокчиларга ўзларининг кичик тадбиркорлигини бошлаши учун мутахассислар томонидан тавсия ва таклифлар берилди.
Ўқув курси якунида барча иштирокчиларга сертификат топширилди.
