11-05-2024
Туманимиз ёшлари халқаро мусобақада ғолиб бўлди
Жорий йилнинг 7-8 май кунлари Бирлашган Араб Амирликларининг Шаржаҳ шаҳрида «Ментал арифметика» бўйича халқаро олимпиада бўлиб ўтди.
Мазкур халқаро мусобақада 20 та давлатдан келган 2000 нафар иштирокчилар сафида туманимизнинг 122-мактабгача таълим ташкилотининг жажжи ўғил-қизлари ўз ақлий салоҳиятини намоён этишди. Олимпиаданинг иккинчи босқичи якунларига кўра ўзбекистонлик ёшлар мутлақо ғолиб деб топилди.
Қувонарлиси, ҳозирда ёш чемпионларимиз Франциянинг Париж шаҳрида бўлиб ўтувчи навбатдаги мусобақаларга алоҳида тайёргарлик кўришмоқда.
Фурсатдан фойдаланиб, 122-МТТни эришган ютуғи ва халқаро мусобақада Ватанимиз шарафини юксак поғонага олиб чиққани билан муборакбод этамиз!
