ЯНГИҲАЁТ ТУМАН ҲОКИМЛИГИ

Туман ҳокими Жиззахда

Бугун туман ҳокими ва туманимиз тадбиркорлари Жиззахнинг Ғаллаорол туманида бўлиб, ҳудудларни комплекс ижтимоий-иқтисодий ривожлантириш борасида ўзаро тажриба алмашмоқдалар. 

Ташриф давомида дастлаб инвестицион лойиҳалар бўйича тақдимот бўлиб ўтди. Унда Ғаллаорол туманининг инвестицион салоҳияти, янги лойиҳалар ҳақида маълумотлар тақдим этилди. Янгиҳаётлик тадбиркорларнинг саволлари ва таклифларига жавоб берилди.

Шундан сўнг, Ғаллаорол туманидаги инвестиция киритиш мумкин бўлган объектларга борилди. 

Ҳудди шундай ташрифлардан бири, Янгиҳаёт тумани ҳокими ўринбосари томонидан Жиззах вилоятининг Мирзачўл туманида бўлиб ўтмоқда. 

Ўзаро тажриба алмашиш, тадбиркорликни қўллаб-қувватлаш, инвестицион салоҳиятни ҳамда бўш иш ўринларини янада оширишга қаратилган ташриф тафсилотларини таништириб борамиз.