27-09-2023
Бугун Тошкент шаҳар ички ишлар бош бошқармаси бошлиғи Янгиҳаёт туманида бўлди.
Ташриф давомида дастлаб «Янги Умид» маҳалласида аҳолига қулайлик яратиш мақсадида қурилаётган сайилгоҳнинг лойиҳаси ва лойиҳа асосида олиб борилаётган қурилиш ишлари билан танишилди.
Туман ҳокими, сектор раҳбарлари билан ҳудудда ташкил этилиши режалаштирилган ишлар кўздан кечирилгач, Хушнуд маҳалласига борилди. Мазкур маҳаллада бугунги кунда «Обод маҳалла», «Обод кўча», «Обод хонадон» дастури асосида ишлар ташкил этилган бўлиб, раҳбарлар маҳаллада ташкил этилган штаб фаолияти билан танишишди. Ҳар бир масъулга ишларни режали ташкил этиш, аҳолига қулайлик яратиш мақсадида ҳар бир хонадонни ўрганиш, фуқаролар билан сухбатлашиб, уларнинг муаммоларини ҳал этиш зарурлиги таъкидланди.
Шунингдек, раҳбарлар маҳаллада яратилаётган шарт-шароитлар билан танишишди. Ишларни жадаллаштириш, маҳалладаги коммунал ва қурилиш соҳаларига оид масалаларни ўрганиб, аҳолининг эҳтиёжларини тизимли равишда бартараф этиш бўйича топшириқлар берилди.
