27-03-2024
Куни кеча туманимиздаги хотин-қизларнинг тадбиркорлик қилиш бўйича билимларини янада ошириш ҳамда замонавий касб-ҳунарларга ўқитиш мақсадида Тошкент шаҳар хотин-қизлар тадбиркорлик маркази билан ҳамкорликда ўқув семинари ташкил этилди.
Семинарда 2- ва 3-сектор ҳудудида яшовчи «Аёллар дафтари»да турган тадбиркорлик қилиш истагидаги хотин-қизлар иштирок этди. Уларга тадбиркорлик қилиш сирлари ўз бизнесини ташкил этиш ва юритиш кўникмаларини шакллантириш, бизнес ғояларини тайёрлаш бўйича маълумотлар берилди. Шунингдек, тадбир давомида иштирокчилари ўртасида мавзуга доир баҳс-мунозаралар бўлиб ўтди ва таклифлар тингланди.
