16-07-2024
РАСМИЙ МУНОСАБАТ
Куни кеча ижтимоий тармоқлардан бирида “Ёлғиз она: «Маҳалла масъуллари яшаб турган уйимизни сотмоқчи» номли материал эълон қилинди.
Ҳолат юзасидан қуйидагиларни маълум қиламиз: Мурожаатчи фуқаро Худойберганова Раъно Худойберган қизи уй-жойи йўқлиги, 4 нафар вояга етмаган фарзанди борлиги, ёлғиз она эканлигини билдириб, «Йўлдош» маҳалла Кенгашига мурожаат қилган ва ҳудуддаги «Йўлдош-9» мавзе, 28-уй, 2-хонадонда кўп йиллар давомида ҳеч ким яшамаслигини айтиб, ушбу хонадонга вақтинча яшаб туришни илтимос қилган. Шунингдек, 2022 йил 20 июнда биринчи зарурат туғилганда ушбу хонадонни бўшатиб беришини тушунтириш хати орқали маълум қилган.
Шундан сўнг, ушбу хонадонга фуқаро 4 нафар вояга етмаган фарзанди билан оғзаки равишда қисқа муддатга вақтинчалик яшаб туриш шарти билан маҳалла фаоллари, профилактика инспектори ҳамда «Насибали хонадон» ХУЖМШ раҳбари иштирокида хонадонга киритилган. Шу билан бир қаторда, ушбу уй ИИБ ҳисобида бўлиб, участка нозири, уй-жой ширкатида ушбу уйни сотиш ваколати мавжуд эмас.
Ҳозирги кунда фуқарога бир неча бор огоҳлантириш ва тушунтириш ишлари олиб борилишига қарамасдан уйни ихтиёрий равишда бўшатиб беришдан бош тортиб келаётганини маълум қиламиз.
