26-10-2022
Куни кеча телеграмдаги “ekologuz” каналида “Дарахтлар қайноқ сув билан суғорилмоқда” номли материал эълон қилинди (https://t.me/ekologuz/11502).
Унга кўра, Йўлдош-3 мавзесидаги йўл бўйида жойлашган 51-, 41-,31-уйлар ёнига экилган дарахтлар қайноқ сув ичаётгани ҳақида айтилган.
Шуни маълум қиламизки, ушбу ҳудуддаги иссиқ сув қувурида авария ҳолати юз берган. Бунинг оқибатида ирригация тармоғига сув оқиш ҳолати юз берган. Муаммо аниқлангач, коммунал соҳа ходимлари томонидан муаммони бартараф этиш ишлари олиб борилган.
Шунингдек, туман экология бўлими ходимлари томонидан ҳам ҳолат бўйича ўрганиш ишлари олиб борилди ва ирригация тармоғи бетон билан қопланганлиги боис, дарахтларга ҳеч қандай зиён етказилмаганлиги аниқланди.
Мазкур вазиятга беэътибор бўлмаган ва дарахтларнинг тақдирига бефарқ бўлмаган барча фуқароларга ўз миннатдорчилигимизни билдирамиз.
