26-10-2022
Kuni kecha telegramdagi “ekologuz” kanalida “Daraxtlar qaynoq suv bilan sugʼorilmoqda” nomli material eʼlon qilindi (https://t.me/ekologuz/11502).
Unga koʼra, Yoʼldosh-3 mavzesidagi yoʼl boʼyida joylashgan 51-, 41-,31-uylar yoniga ekilgan daraxtlar qaynoq suv ichayotgani haqida aytilgan.
Shuni maʼlum qilamizki, ushbu hududdagi issiq suv quvurida avariya holati yuz bergan. Buning oqibatida irrigatsiya tarmogʼiga suv oqish holati yuz bergan. Muammo aniqlangach, kommunal soha xodimlari tomonidan muammoni bartaraf etish ishlari olib borilgan.
Shuningdek, tuman ekologiya boʼlimi xodimlari tomonidan ham holat boʼyicha oʼrganish ishlari olib borildi va irrigatsiya tarmogʼi beton bilan qoplanganligi bois, daraxtlarga hech qanday ziyon yetkazilmaganligi aniqlandi.
Mazkur vaziyatga beeʼtibor boʼlmagan va daraxtlarning taqdiriga befarq boʼlmagan barcha fuqarolarga oʼz minnatdorchiligimizni bildiramiz.
