05-10-2022
Бугун НазоратУЗ (https://t.me/NazoratUzOfficial/14315) телеграм каналида Янгиҳаёт тумани Марғиб кўчасида ичимлик суви йўқлиги тўғрисида фуқародан мурожаат келиб тушгани хабар қилинган. Мазкур ҳолат юзасидан туман мутасаддиларига маълум қилинди.
“Тошкент” маҳалласига қарашли Марғиб кўчасини сув билан тўлиқ таъминлаш ва ҳолатни зудлик билан бартараф этиш мақсадида Сув таъминоти томонидан тезкор ишчи гуруҳ тузилиб, муаммонинг келиб чиқиш сабаблари ўрганилмоқда. Ҳозирда аҳоли Сув таъминоти бўлими томонидан вақтинча махсус сув ташиш машиналари орқали сув билан таъминланмоқда. Тез орада муаммо тўлиқ бартараф этилади.
