09-10-2024
Пробация назоратидаги фуқароларнинг сайёр суди бўлиб ўтди
«Олчазор» маҳалласида ҳуқуқни муҳофаза қилиш идораларининг масъул ходимлари ва пробация рўйхатида турувчи шахслар иштирокида профилактик тадбир ташкил этилди.
Гиёҳвандлик воситалари ва психотроп моддаларнинг ноқонуний айланмасига қарши курашиш ойлиги доирасида ўтказилган тадбирда фуқароларга гиёҳванд моддалар савдоси билан шуғулланувчи шахсларга нисбатан қўлланиладиган қонуний чоралар ва унинг салбий оқибатлари ҳақида тушунтиришлар бериб ўтилди.
Бундан ташқари, шу ернинг ўзида тўғри йўлга қайтган 13 нафар фуқаронинг жазосини енгилига алмаштириш юзасидан сайёр суд бўлиб ўтди. Якунида улар суд томонидан ўрнатилган чеклов ва мажбуриятларидан шартли равишда озод қилинди.
