07-05-2024
«Навқирон» жамоаси 3-ўринни қўлга киритди
Хабарингиз бор, «ДХХ кубоги»нинг мини футбол тури доирасидаги асосий ўйинлар давом этмоқда. Куни кеча «Чоштепа» ва «Навқирон» маҳалла жамоалари 3-ўрин ғолиблиги учун баҳс олиб боришди.
Учрашув давомида 3:1 кўринишида қайд этилган ҳисоб ўйин тақдирини ҳал қилди. Унга кўра «Навқирон» маҳалла жамоаси голлар ҳисобидаги устунлик билан «Чоштепа» жамоасини мағлуб этди.
Шунингдек, ўғил боллар ўртасидаги «ДХХ кубоги» мусобақаларининг финал босқичида «Дўстлик» ҳамда «Чортоқ» жамоаларининг туман биринчилиги учун навбатдаги ўйини бўлиб ўтади.
Эслатиб ўтамиз, 1-ўринни қўлга киритган жамоа шаҳар босқичига йўлланмани қўлга киритиб, туманимиз шаънини ҳимоя қилади.
