07-05-2024
"Navqiron" jamoasi 3-o'rinni qo'lga kiritdi
Xabaringiz bor, "DXX kubogi"ning mini futbol turi doirasidagi asosiy o'yinlar davom etmoqda. Kuni kecha "Choshtepa" va "Navqiron" mahalla jamoalari 3-o'rin g'olibligi uchun bahs olib borishdi.
Uchrashuv davomida 3:1 ko'rinishida qayd etilgan hisob o'yin taqdirini hal qildi. Unga ko'ra "Navqiron" mahalla jamoasi gollar hisobidagi ustunlik bilan "Choshtepa" jamoasini mag'lub etdi.
Shuningdek, o'g'il bollar o'rtasidagi "DXX kubogi" musobaqalarining final bosqichida "Do'stlik" hamda "Chortoq" jamoalarining tuman birinchiligi uchun navbatdagi o'yini bo'lib o'tadi.
Eslatib o'tamiz, 1-o'rinni qo'lga kiritgan jamoa shahar bosqichiga yo'llanmani qo'lga kiritib, tumanimiz sha'nini himoya qiladi.
