15-06-2024
Кўча пешлавҳалари ҳолати ўрганилмоқда
Туман ҳокими маслаҳатчиси ва ободонлаштириш бўлимининг ташқи безаш ишлари бўйича мутахассисидан иборат ишчи гуруҳ кўча пешлавҳаларининг аҳволи билан танишиб чиқмоқда.
Маълум қилинишича, туманимизнинг биргина «Олчазор» маҳалла фуқаролар йиғини ҳудудидаги кўчалар ҳолати кўздан кечирилганда, 10 дан зиёд яроқсиз ва 15 та низомда белгиланган тартибга мувофиқ илинмаган пешлавҳалар аниқланган.
Шундан сўнг, аниқланган камчиликлар юзасидан масъуллар томонидан тегишли ҳужжатлар расмийлаштирилиб, уларни бартараф этиш бўйича туман ҳокимига маълумотлар тақдим этилди.
Маълумот учун, марказий кўчаларда ҳар 200 метрда, тор кўчаларда ҳар 100 метрда ,шунингдек, берк кўча бошида 1 дона пешлавҳаларнинг бўлиши тўғри ҳисобланади.
