05-08-2024
Халқ депутатлари Янгиҳаёт туман Кенгашининг етмиш еттинчи сессияси бўлиб ўтди
Сессияда жорий йилнинг иккинчи чораги давомида туман солиқ инспекция томонидан амалга оширилган ишлар бўйича масъулларнинг ҳисоботлари тингланди. Шунингдек, туман солиқ инспекцияси раҳбари 2-ярим йилликда солиқ органлари томонидан бажариладиган ишлар юзасидан туман депутатларига мурожаат қилди.
Бундан ташқари, кун тартибида Халқ депутатлари туман Кенгашидаги депутатлик ўринлари сонини белгилаш, котибиятнинг ички меҳнат тартиб қоидаларини тасдиқлаш, сайлов комиссияси таркиби ҳамда «Ташаббусли буджет» жараёнлари тартибига ўзгартириш ва қўшимчалар киритиш масаласи муҳокама қилинди.
Сессия давомида иштирокчилар «Ўзбекистон — 2030» стратегиясига оид давлат дастурининг ижросини таъминлаш, «Энг яхши ижтимоий ташаббус» республика кўрик-танловини ташкил этиш ва «Аёллар дафтари»нинг 5-босқичига киритилган хотин-қизларни моддий жиҳатдан қўллаб-қувватлаш каби масалаларни ҳам кўриб чиқишди.
