22-04-2025
Тошкент иқтисодиёт ва саноат техникумида Халқ депутатлари Тошкент шаҳар ва Янгиҳаёт туман Кенгаши депутатлари ҳамда маҳалла фуқаролари иштирокида "Асосий вазифамиз – халқ манфаати ва аҳоли муаммоларини ҳал этиш тизимининг самарадорлигини ошириш" мавзусида учрашув ташкил этилди.
Учрашув давомида маҳаллий кенгаш депутатлари ўз вакиллик ҳудудларида жорий йилнинг 1-чораги давомида ҳал этилган муаммолар ҳамда мурожаатлар асосида бажарилган ишлар ҳақида сайловчиларга ахборот берди. Бундан ташқари, тадбирда аҳолининг турмуш даражаси ва фаровонлигини оширишга қаратилган ислоҳотларнинг мазмун-моҳияти тушунтирилди.
Тадбир якунида фуқаролар томонидан берилган саволларга жавоб берилди. Шунингдек, бундай учрашувларни ҳар бир маҳаллада, ҳар чорак якунида мунтазам ўтказиб бориш масаласи ҳам келишиб олинди.
