22-04-2025
Toshkent iqtisodiyot va sanoat texnikumida Xalq deputatlari Toshkent shahar va Yangihayot tuman Kengashi deputatlari hamda mahalla fuqarolari ishtirokida "Asosiy vazifamiz – xalq manfaati va aholi muammolarini hal etish tizimining samaradorligini oshirish" mavzusida uchrashuv tashkil etildi.
Uchrashuv davomida mahalliy kengash deputatlari o‘z vakillik hududlarida joriy yilning 1-choragi davomida hal etilgan muammolar hamda murojaatlar asosida bajarilgan ishlar haqida saylovchilarga axborot berdi. Bundan tashqari, tadbirda aholining turmush darajasi va farovonligini oshirishga qaratilgan islohotlarning mazmun-mohiyati tushuntirildi.
Tadbir yakunida fuqarolar tomonidan berilgan savollarga javob berildi. Shuningdek, bunday uchrashuvlarni har bir mahallada, har chorak yakunida muntazam o‘tkazib borish masalasi ham kelishib olindi.
