08-05-2024
«Чортоқ» маҳалла ёшларига футбол формалари совға қилинди
4-сектор раҳбари, туман адлия бўлими масъуллари ҳамда давлат хизматлари маркази ходимлари яшил тоифага киритилган «Чортоқ» маҳалласида ёшлар билан учрашди. Учрашувда «ДХХ кубоги» финалида иштирок этувчи маҳалланинг 16 нафар ёшларига спортнинг футбол тури билан шуғулланишлари учун футбол формаси ва футбол тўпи совға тариқасида берилди.
Шунингдек, сектор раҳбари ёшлар билан спортнинг қайси турига қизиқишлари юзасидан ўзаро фикр алмашиб, маҳалла жамоасига келгуси ўйинда ишонч билан ҳаракатланишини ва албатта ғалабани қўлга киритиши кераклигини таъкидлади.
Эслатиб ўтамиз, «ДХХ кубоги» мини футбол йўналишининг туман босқичи ярим финалида «Чортоқ» МФЙ 3:0 ҳисобида «Чоштепа» МФЙ билан ўйин ўтказиб, финал босқичига йўл олганди.
