21-03-2023
Aзиз тумандошлар! Сизларни янгиланиш фасли ва Наврўз – умумхалқ байрами билан самимий муборакбод этаман!
Мана шу файзли кунларда барчангизнинг оилангизга тинчлик-хотиржамлик, хонадонингизга қут-барака ва ҳар бир кунингиз яхшиликка тўла бўлишини тилайман.
Бу йилги Наврўз айёми ҳам туманимизнинг ҳар бир маҳалласида кўтаринки руҳда, маҳалладошлар ҳамжиҳатлигида самимий ўтмоқда. Янгиҳаёт туманининг ободлиги йўлида барча соҳа эгалари, тумандошларимиз кўчаларга ва маҳаллаларга ниҳол ўтқазмоқда. Бу ҳам оқибат ва аҳиллик рамзи, аслида.
Барчамизнинг мақсадимиз бир – Янгиҳаёт туманининг гуллаб-яшнаши ва фаровонлигига ўз ҳиссамизни қўшишдир. Aтрофимизни янада обод қилиш, ҳашар тадбирларини ўтказиш, кексалар ва ёрдамга муҳтож инсонлар ҳолидан хабар олиш каби езгу амалларимиз Наврўзнинг файзига янада файз қўшмоқда.
Барчангизни яна бир бор байрам билан қутлар эканман, бу йил барчангиз учун баракали йиллардан бири бўлишини, орзу-умидларингиз ижобатини, оилада, ишда, ўқишда доим муваффақиятлар ёр бўлишини тилаб қоламан. Ҳар бир хонадонда яхши кунлар, тўй-у томошалар кўп бўлсин!
Янгиҳаёт тумани ҳокими
Ҳаёт Иногамов
