21-03-2023
Aziz tumandoshlar! Sizlarni yangilanish fasli va Navro'z – umumxalq bayrami bilan samimiy muborakbod etaman!
Mana shu fayzli kunlarda barchangizning oilangizga tinchlik-xotirjamlik, xonadoningizga qut-baraka va har bir kuningiz yaxshilikka to'la bo'lishini tilayman.
Bu yilgi Navro'z ayyomi ham tumanimizning har bir mahallasida ko'tarinki ruhda, mahalladoshlar hamjihatligida samimiy o'tmoqda. Yangihayot tumanining obodligi yo'lida barcha soha egalari, tumandoshlarimiz ko'chalarga va mahallalarga nihol o'tqazmoqda. Bu ham oqibat va ahillik ramzi, aslida.
Barchamizning maqsadimiz bir – Yangihayot tumanining gullab-yashnashi va farovonligiga o'z hissamizni qo'shishdir. Atrofimizni yanada obod qilish, hashar tadbirlarini o'tkazish, keksalar va yordamga muhtoj insonlar holidan xabar olish kabi ezgu amallarimiz Navro'zning fayziga yanada fayz qo'shmoqda.
Barchangizni yana bir bor bayram bilan qutlar ekanman, bu yil barchangiz uchun barakali yillardan biri bo'lishini, orzu-umidlaringiz ijobatini, oilada, ishda, o'qishda doim muvaffaqiyatlar yor bo'lishini tilab qolaman. Har bir xonadonda yaxshi kunlar, to'y-u tomoshalar ko'p bo'lsin!
Yangihayot tumani hokimi
Hayot Inogamov
