10-01-2025
Янгиҳаётда таълим сифатини янада ривожлантиришга урғу берилмоқда
Гап шундаки, бугун туманимизнинг 329-умумтаълим мактабида туман ҳокими ўринбосари, масъуллар ва мактаб директорлари иштирокида йиғилиш бўлиб ўтди.
Йиғилишда 2024 йилда мактаб ва мактабгача таълим соҳасида амалга оширилган ишлар сарҳисоб қилиниб, жорий йилда бажарилиш лозим бўлган устувор вазифалар белгилаб олинди. Шунингдек, масъул раҳбарларга мактабларда таълим сифати ва самарадорлигини ошириш ҳамда мақсадли кўрсаткичларга эришиш бўйича бир қатор кўрсатмалар берилди.
Бундан ташқари, иштирокчилар учун «Жаҳолатга қарши маърифат» тадбири ташкил этилди. Унда мутахассислар томонидан экстремизм ва терроризм билан боғлиқ таҳдидларнинг олдини олиш, ёшларни ёт ғоялар таъсиридан асраш зарурлиги ҳақида сўз юритди.
