10-01-2025
Yangihayotda ta’lim sifatini yanada rivojlantirishga urg‘u berilmoqda
Gap shundaki, bugun tumanimizning 329-umumta’lim maktabida tuman hokimi o‘rinbosari, mas’ullar va maktab direktorlari ishtirokida yig‘ilish bo‘lib o‘tdi.
Yig‘ilishda 2024-yilda maktab va maktabgacha ta’lim sohasida amalga oshirilgan ishlar sarhisob qilinib, joriy yilda bajarilish lozim bo‘lgan ustuvor vazifalar belgilab olindi. Shuningdek, mas’ul rahbarlarga maktablarda ta’lim sifati va samaradorligini oshirish hamda maqsadli ko‘rsatkichlarga erishish bo‘yicha bir qator ko‘rsatmalar berildi.
Bundan tashqari, ishtirokchilar uchun "Jaholatga qarshi ma’rifat" tadbiri tashkil etildi. Unda mutaxassislar tomonidan ekstremizm va terrorizm bilan bog‘liq tahdidlarning oldini olish, yoshlarni yot g‘oyalar ta’siridan asrash zarurligi haqida so‘z yuritdi.
