28-08-2024
Янгиҳаётда «Маънавият фестивали» давом этмоқда
Туманимизнинг 329-умумтаълим мактабида мустақиллигимизнинг 33 йиллиги муносабати билан «Бир бўлсак – ягона халқмиз, бирлашсак – Ватанмиз!» шиори остида «Маънавият фестивали» ташкил этилди.
Фестиваль давомида санъат ва маданият соҳасининг вакиллари ҳамда маҳалла нуронийлари жамиятда маънавий муҳитни яхшилаш, ёш авлодни билимга чорлаш, ҳар бир фуқаронинг юрт тақдирига дахлдорлик ҳиссини кучайтириш юзасидан тарғибот ишларини олиб боришди.
Бундан ташқари, шу ернинг ўзида спортнинг шахмат-шашка ва кураш турлари бўйича мусобақалар, шунингдек, китобхонлик тадбирлари ўтказилди. Жажжи болажонлар томонидан тақдим этилган рақслар эса тадбир иштирокчиларига ўзгача кайфият улашди.
