28-08-2024
Yangihayotda "Ma’naviyat festivali" davom etmoqda
Tumanimizning 329-umumta’lim maktabida mustaqilligimizning 33 yilligi munosabati bilan "Bir bo‘lsak – yagona xalqmiz, birlashsak – Vatanmiz!" shiori ostida "Ma’naviyat festivali" tashkil etildi.
Festival davomida san’at va madaniyat sohasining vakillari hamda mahalla nuroniylari jamiyatda ma’naviy muhitni yaxshilash, yosh avlodni bilimga chorlash, har bir fuqaroning yurt taqdiriga daxldorlik hissini kuchaytirish yuzasidan targ‘ibot ishlarini olib borishdi.
Bundan tashqari, shu yerning o‘zida sportning shaxmat-shashka va kurash turlari bo‘yicha musobaqalar, shuningdek, kitobxonlik tadbirlari o‘tkazildi. Jajji bolajonlar tomonidan taqdim etilgan raqslar esa tadbir ishtirokchilariga o‘zgacha kayfiyat ulashdi.
