17-09-2024
Янгиҳаётда «Хон атлас» ҳафталиги кўтаринки руҳда ўтказилди
Туманимизнинг «Чоштепа» ҳамда «Янги Чоштепа» маҳаллаларида туман оила ва хотин-қизлар бўлими масъуллари, «Оқила аёллар» ҳаракати етакчилари ва бир гуруҳ нуронийлар иштирокида «Хон атлас» ҳафталиги бўлиб ўтди.
Бундан ташқари, шу ернинг ўзида давра суҳбати ташкил этилди. Унда миллий ва маънавий қадриятларни сақлаб қолиш, кийиниш маданиятига алоҳида эътибор қаратиш, ёшлар маънавиятини юксалтириш, бунда маҳалла фаоллари, ота-оналар ҳамда нуронийлар ролини янада ошириш ҳақида сўз юритилди.
Тадбир сўнгида хотин-қизлар томонидан миллий рақслар, фольклор чиқишлар намойиш этилди. Ёш келинлар ўртасида ўтказилган пазандалик танлови ғолибларига эсдалик совғалари топширилди.
