17-09-2024
Yangihayotda "Xon atlas" haftaligi ko‘tarinki ruhda o‘tkazildi
Tumanimizning "Choshtepa" hamda "Yangi Choshtepa" mahallalarida tuman oila va xotin-qizlar bo‘limi mas’ullari, "Oqila ayollar" harakati yetakchilari va bir guruh nuroniylar ishtirokida "Xon atlas" haftaligi bo‘lib o‘tdi.
Bundan tashqari, shu yerning o‘zida davra suhbati tashkil etildi. Unda milliy va ma’naviy qadriyatlarni saqlab qolish, kiyinish madaniyatiga alohida e’tibor qaratish, yoshlar ma’naviyatini yuksaltirish, bunda mahalla faollari, ota-onalar hamda nuroniylar rolini yanada oshirish haqida so‘z yuritildi.
Tadbir so‘ngida xotin-qizlar tomonidan milliy raqslar, folklor chiqishlar namoyish etildi. Yosh kelinlar o‘rtasida o‘tkazilgan pazandalik tanlovi g‘oliblariga esdalik sovg‘alari topshirildi.
