28-06-2025
Куни кеча “Йошлар ойлиги” доирасида 30-июн — “Йошлар куни” муносабати билан Янгиҳаёт туман ҳокимлиги ҳамда туман маданият маркази ҳамкорлигида “Янгиҳаёт ёшларни севади” номли кўтаринки руҳдаги консерт дастури ташкил этилди.
Тадбир “Меҳрибоғ” 24/7 савдо ва хизмат кўрсатиш майдонида бўлиб ўтди. Консертда “Янги Юлдузлар” болалар ижодий жамоаси, “Сиянурий Корейс” жамоаси, хушовоз хонандалар ҳамда санъат ва ижод соҳаси вакиллари иштирок этиб, томошабинларга байрамона кайфият улашишди.
Шунингдек, консерт давомида саҳнада турли куй-қўшиқлар ҳамда рақслар намойиш этилди.
