22-07-2022
Сидиков Зафар – 19 ёш. Спортнинг қиличбозлик тури билан 9 йилдан бери мунтазам шуғулланиб келади.
Зафар Бишкекда ўрта ёшлилар ўртасида ўтказилган мусобақада 1-ўринни, катталар ўртасидаги Ўзбекистон чемпионатида 2-ўринни эгаллаган. 2021-йил Ўзбекистон кубоги ғолиби бўлган.
Мақсади — жаҳон чемпиони бўлиш ва Олимпиада ўйинларида юртимиз шаънини ҳимоя қилиш.
Сидиков Муҳаммадюсуф – 18 ёш. У ҳам спортнинг шу турига 9 йилдан бери қатнашади.
– Дадамнинг дўсти қиличбозлик бўйича мураббий бўлган. Уларга ҳавас қилиб, бизни ҳам шу спорт тури бўйича тўгаракка олиб борганлар — дейди спортчи.
Муҳаммадюсуф қиличбозлик бўйича ёшлар ва ўсмирлар ўртасида Ўзбекистон кубоги мусобақасининг 2-ўрин совриндори. Олимпия захиралари коллежлари ўртасида бўлиб ўтган "Олимпия чўққилари" Ўзбекистон чемпионатида эса 1-ўринни қўлга киритган.
Ака-ука спортчиларга муваффақиятлар тилаб қоламиз!
