05-10-2024
Куни кеча туман ҳокими таълим масканлари билан бир қаторда куз-қиш мавсуми доирасида амалга оширилаётган ишлар ва туманда қурилаётган объектлар билан ҳам танишди.
Хусусан, «Жалойир» маҳалласида жойлашган «Бинокор ГРEС» газ таъминоти бўйича ўқув ҳудудига борилиб, фавқулодда ҳолатлар юзага келганда қилиниши лозим бўлган ишлар ўрганилди.
Кейинги манзил «Бинокор» маҳалласи бўлиб, туман ҳокими сайилгоҳ ва кўп қаватли уйларнинг том қисмини мукаммал таъмирлаш жараёнини кўздан кечирди. Қурувчи билан сухбатлашиб, ишларни жадаллаштириш бўйича тегишли топшириқлар берди.
Бугунги кунда туманимизда жойлашган Республика руҳий касалликлар шифохонасида инвестиция дастури асосида қайта таъмирлаш ишлариолиб борилмоқда. Туман ҳокими қурилиш жараёнлари билан танишиб, сифатга эътибор қаратиш лозимлигини таъкидлади.
