17-06-2023
Туманимиздаги 292-умумтаълим мактабида ёшларнинг бўш вақтларини мазмунли ташкил этиш мақсадида 4-сектор раҳбари ташаббуси билан "Сектор раҳбари кубоги" спорт мусобақалари ташкил этилди.
Унда 4-секторда яшовчи 300 нафарга яқин ёшлар шахмат, шашка, волейбол, мини футбол, стол тенниси каби спорт турларида ўзаро беллашди. Ғолибликни қўлга киритган ёшлар эсдалик совғалари билан тақдирланди.
Шунингдек, тадбир сўнггида аҳолига хушкайфият улашиш мақсадида концерт дастури ва спортчи болажонларнинг чиқишлари намойиш этилди.
