11-10-2024
Бугун ички ишлар вазири ўринбосари Янгиҳаёт туманида бўлиб, куз-қиш мавсумига тайёргарлик ҳолатини ўрганди.
Дастлаб, электр тармоқлари корхонасига борилди. Корхона раҳбари томонидан туманда электр таъминоти бўйича амалга оширилган ишлар, носозлик юзага келганда уни бартараф этиш бўйича кўрилган чора-тадбирлар, аҳолини узлуксиз электр билан таъминлаш йўналишида қилиниши керак бўлган ишлар режаси билан таништирилди.
Куз-қиш мавсумида аҳолини газ билан таъминлаш ҳам муҳим омиллардан бири. Раҳбарларнинг иккинчи манзили газ таъминоти корхонаси бўлиб, бу ерда диспетчерлик хизмати, куз-қиш мавсуми учун яратилган захира ҳолати кўздан кечирилди.
Масъулларга ишларни тизимли ташкил этиш, аҳоли мурожаатларини ўрганган ҳолда, уларга қулайликлар яратиш бўйича топшириқлар берилди.
