21-01-2022
Xabaringiz bor, “Temir daftar”ga kiritilgan ehtiyojmand oilalarni qoʻllab -quvvatlash borasida tumanimizda samarali ishlar amalga oshirilmoqda.
Jumladan, tumanda “Temir daftar”ga kiritilgan muhtoj oilalarga “Saxovat va koʻmak” umumxalq harakati doirasida 6 mlrd 771 mln soʻm miqdorida yordamlar koʻrsatildi.
“Saxovat.argos.uz” tizimiga kiritilgan 9 287 nafar mehnatga layoqatli ishsizlarning 9 279 nafari (99.9 foiz) ishga joylashtirildi.
Bugungi kun holatiga tumanda “Temir daftar”da qolgan yordamga muhtoj oilalar soni 665 tani, oila aʼzolari soni 2 279 nafarni tashkil qiladi.
Ushbu oilalarning ijtimoiy holati quyidagilar:
- 261 ta oila (942 nafar oila aʼzosi) mehnatga layoqatsiz nogironlari va surunkali kasallikka chalingan aʼzolari mavjud oilalar;
- 113 ta oila (388 nafar oila aʼzosi) yakka-yolgʻiz keksalar, bevalar va boquvchisini yoʻqotgan ehtiyojmand aʼzolari bor oilalar;
- 251 ta oila (841 nafar oila aʼzosi) koʻp farzandli ehtiyojmand oilalar;
- 89 ta oila (277 nafar oila aʼzosi) haqiqatda ehtiyojmand, daromad manbaini yoʻqotgan nochor va moddiy koʻmakka muhtojligi bor oilalarni tashkil etadi.
