07-04-2023
Yer uchastkalarini davlat va jamoat ehtiyojlari uchun olib qoʻyilishida ochiq muhokama oʻtkazish ishlarini tashkillashtirish toʻgʻrisida Xalq deputatlari Toshkent shahar Kengashining qaroriga muvofiq, Yangihayot tumani hokimligi qoshidagi komissiya raisi, tuman arxitektori va boshqa mas’ul tashkilot ishtirokida yig’ilish o’tkazildi. Unda Oʻzbekiston Respublikasining 2022-yil 29-iyundagi “Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida”gi OʻRQ-781-sonli qonuni hamda Vazirlar Mahkamasining 2019-yil 16-noyabrdagi “Jismoniy va yuridik shaxslarning mulk huquqlari kafolatlarini taʼminlash hamda yer uchastkalarini olib qoʻyish va kompensatsiya berish tartibini takomillashtirishga doir qoʻshimcha chora-tadbirlar toʻgʻrisida”gi 911-sonli qaroriga muhokama etildi. Ta’kidlash joiz, tashkil etilgan yigʻilish ochiq muhokamada oʻtkazilgan deb hisoblandi.
