26-02-2025
Jazodan ozod etilgan fuqarolarning ijtimoiy hayotga moslashishida ko‘mak ko‘rsatildi
Yangihayot tumanida O‘zbekiston Respublikasi Prezidentining “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-sonli Qarori hamda O‘zbekiston Respublikasi Vazirlar Mahkamasining 2018-yil 17- iyuldagi 543-sonli qarorlari ijrosini ta’minlash maqsadida qator ishlar amalga oshirilmoqda.
Xususan, kuni kecha "Choshtepa" mahallasida tuman hokimi tomonidan tuman IIO FMBning probatsiya hisobida turgan 18 dan 30 yoshgacha bo‘lgan yoshlarning kelajakdagi maqsadlari, oilaviy muammolari va murojaatlari o‘rganildi.
Natijada bir nafar fuqaroning masalasi shu yerning o‘zida hal etilib, unga kasb hunar o‘quv markazi va sog‘lig‘ini tiklash uchun tibbiyot muassasasiga yo‘llanma berildi.
