15-08-2023
Tumanimizdagi 329-maktabda “Jaholatga qarshi ma’rifat” shiori ostida mahallalardagi xotin-qizlar faollari va ayollar ishtirokida diniy-ma’rifiy targ‘ibot tadbiri bo‘lib o‘tdi.
Tadbirda Din ishlari qo‘mitasi raisi maslahatchisi ma’ruza qilib, bugungi kunda yurtimizdagi tinchlik va farovon hayotning qadriga yetish, yurtimiz ravnaqi va aholimiz turmush darajasini yanada oshirish uchun birdamlikda halol mehnat qilish lozimligi haqida so‘z yuritildi.
Bundan tashqari, ayrim yoshlarimizning turli radikal oqimlarga qo‘shilib qolayotgani, buning oldini olish uchun onalarimiz farzandlar tarbiyasiga yanada e’tiborliroq bo‘lishi lozimligi tushuntirib o‘tildi.
Tadbir so‘ngida bilib-bilmay yo‘ldan adashib, jaholat yo‘lini tanlashi oqibatida o‘zga yurtlarda qiyinchiliklar girdobida qolgan va davlatimiz rahbari tomonidan tashkil etilgan “Mehr” operatsiyasi tufayli yurtga qaytgan ayrim yurtdoshlarimizning qayg‘uli hikoyalari yig‘ilganlar e’tiboriga havola etildi.
