03-03-2023
Bugun Toshkent shahar IIB boshlig'i, Toshkent shahar soliq boshqarmasi boshlig'i, tumanhokimi tumanimizda joylashgan korxonalarga borishdi.
Xususan, "ARTIKUL AZIYA KABEL" MCHJ, "SUN TEX" MCHJ va "AGRO TEX" MCHJ korxonalarida quyosh panellarini o'rnatish bo'yicha korxonaning imkoniyatlari bilan tanishildi.
So'ngra, "Chortoq" mahallasidagi madaniyat saroyida 200ga yaqin tadbirkorlik subyektlarining mas'ul xodimlari ishtirokida yig'ilish bo'ldi. Unda elektr energiyasi bilan bog'liq muammolarning oldini olishda quyosh panellarining ahamiyati, korxonalarga bosqichma-bosqich quyosh panellarini o'rnatish kabi masalalar haqida so'z bordi.
Shuningdek, yig'ilishda o'z taqdimotlari bilan ishtirok etgan quyosh paneli o'rnatuvchi korxonalar, xususan, "ALL SOLAR" MCHJ o'z mahsulotlarining afzallik tomonlari haqida ma'lumot berdi.
