03-08-2022
Bugun telegram messenjerining “Muxbir Daliev” kanalida ““Yangihayot”dagi eski ishlar!” nomli material eʼlon qilindi.
Unda tumanning “Gulshanobod” mahallasidagi uy yaqinida kichik maydon qurilayotgani va shu maydondagi daraxtlar sugʼurib olingani haqida soʼz yuritilgan. Norozilik kayfiyati aks etgan ushbu holatga aniqlik kiritish maqsadida tuman masʼullariga xabar qilindi.
Tuman obodonlashtirish boʼlimi, tuman ekologiya boʼlimi, mahalla raisi, mahalla yoshlar yetakchisi tomonidan joyiga chiqib holat oʼrganildi hamda quruvchi va fuqarolar bilan suxbatlashildi. Oʼrganish jarayonida fuqarolarning noroziliklari inobatga olinib, maydoncha mahalla hududida qurilmaydigan boʼldi.
Oʼzboshimchalik bilan sugʼurib olingan koʼchatlar uchun esa javobgarlar jarimaga tortildi va koʼchatlarning barchasi joyiga oʼtqazildi.
