23-05-2025
Bugun tuman hokimi, tuman prokurori, mas’ullar va hokim yordamchilari ishtirokida tahliliy yig‘ilish bo‘lib o‘tdi.
Yig‘ilishda joriy yilning 1-choragi davomida mahallalarda hokim yordamchilari tomonidan amalga oshirilgan ishlar tahlil qilindi. Xususan, oilaviy tadbirkorlikni rivojlantirish dasturi doirasida ajratilgan imtiyozli kreditlarning maqsadli foydalanish ustidan monitoring qilish, qarzdorliklarni so‘ndirish, mikroloyihalarni amalga tatbiq etish va aholi bandligini ta’minlash kabi yo‘nalishlarida olib borilayotgan ishlar samaradorligi ko‘rib chiqildi.
Shuningdek, yig‘ilish yakunida bir qator hokim yordamchilari samarali mehnat faoliyati uchun tashakkurnomalar bilan taqdirlandi.
