20-05-2024
Oila qurish ostonasida turgan yoshlar uchun seminar o'tkazildi
Tumanimizning "Oriyat" mahallasida tuman FHDYo bo‘limi hamda Oila va xotin-qizlar bo‘limi bilan hamkorlikda yoshlar hamda yosh oilalar uchun “Oila muqaddas dargoh” deb nomlangan tadbir tashkil etildi.
Unda uzoq yillardan buyon birga ahillikda oila qo‘rg‘onini mustahkam qilib yashab kelayotgan, "Ibratli oila" ko‘krak nishoniga tavsiya etilgan namunali oila ham taklif etildi.
Davra suhbati tarzida tashkil etilgan mazkur seminarda yoshlar o‘zlari uchun huquqiy hamda hayotiy bilimlarga ega bo‘lish bilan birga oila mustahkamligi, farzandlar tarbiyasi, o‘zaro hurmat va mehr oqibat asosida baxtli turmush kechirishda asqotuvchi zarur tavsiya va maslahatlarni qo‘lga kiritishdi.
Tadbir so‘nggida ibratli oilaga, 15 nafar nikohlanuvchi juftliklarga hamda yosh oilalarga esdalik sovg‘alari topshirildi.
