09-02-2023
Bugungı kunda Xalq deputatlari Yangihayot tuman Kengashi deputatlari tomonidan mahalla faollari bilan ochiq muloqotlar oʻtkazib kelinmoqda.
Mazkur uchrashuvlar davomida “Toshkent” mahalla faollari tomonidan ushbu mahallada jamoat transporti qatnovi yoʻlga qoʻyilmaganligi, bu esa aholi uchun noqulayliklar keltirib chiqarayotganligi bildirildi va ushbu masala yuzasidan tuman Kengashiga yozma murojaat qilindi.
Kuni kecha Toshkent shahar transport va yoʻl-transport infratuzilmasini rivojlantirish boshqarmasi Jamoat transportida tashuvlarni muvofiqlashtirish boʻlimi, “Toshshahartransxizmat” AJ, Transport vazirligi huzuridagi Loyiha ofisi mas’ullari va tuman deputati joyiga chiqib, mazkur muammoni o’rganishdi, mahalla fuqarolari bilan suhbatlashishdi.
O’rganish natijalariga ko’ra, fuqarolarning ushbu murojaati javobsiz qolmay, ijobiy yechim topiladigan bo’ldi.
