04-06-2025
Xalq deputatlari Yangihayot tumani Kengashi deputatlari tumanimiz hududidagi ijtimoiy obyektlarga olib borilayotgan qurilish va ta’mirlash ishlari bilan yaqindan tanishdi.
Dastlab, deputatlar "Yangi Gulzor" mahallasida bo‘lib, u yerda 335-sonli umumta’lim maktabi uchun qo‘shimcha o‘quv binosini qurilish va eski binoda amalga oshirilayotgan rekonstruksiya ishlarining bugungi kundagi holatini o‘rgandi. Shundan so‘ng, mas’ullar "Chortoq" mahallasidagi qurilishi yakunlangan 333-sonli umumta’lim maktabining yangi binosi va muassasaga olib kelingan o‘quv jihozlarini ko‘zdan kechirdi.
Shuningdek, deputatlar joylardagi o‘rganishlari davomida mutasaddilar hamda quruvchilar bilan suhbatlashib, obyektlarni belgilangan muddatda foydalanishga topshirish, hududlarni obodonlashtirish va ko‘kalamzorlashtirish bo‘yicha tavsiyalar berdi.
