21-03-2022
Yurtimizda uygʻonish, yasharish, yangilanish ayyomi – Navroʻzi olam nafasi kezib yuribdi.
Navroʻz bayrami tabiat uygʻonishi, hayot tantanasi va bahoriy koʻrkamlikni ifodalaydi. Shu faslda tabiatdagi oʻzgarishlarga uygʻun boʻlib, hayotimiz ham oʻzgarib, yangilanib bormoqda.
Qurilayotgan yangi-yangi uy-joylar, taʼlim, tibbiyot va madaniyat maskanlari, zamonaviy korxonalar, obod mahallalar tumanimiz chiroyiga chiroy qoʻshmoqda.
Tumanimizning bu chiroyini saqlab turish, uning zamonaviy va jozibador qiyofasini yaratish, kelajak avlodga ozod va obod maskan holida yetkazish barchamizning sharafli va masʼuliyatli vazifamizdir.
Fursatdan foydalanib, Siz aziz yangihayotliklarni ushbu ulugʻ ayyom bilan tabriklayman.
Navroʻz har birimizning oilamizga tinchlik-xotirjamlik, bitmas-tuganmas kuch-quvvat va farovonlik olib kelsin. Xonadoningizdan fayzu baraka arimasin. Sogʻlik-omonlik siz va yaqinlaringizni hech qachon tark etmasin.
Navroʻzi olam barchamizga muborak boʻlsin!
