30-11-2023
Yangihayotliklar uchun qoʻshaloq bayram
Xabaringiz bor, har yili anʼanaviy tarzda mamlakat rivojiga ulkan hissa qoʻshayotgan, yuksak maʼnaviyatli, oilada va farzand tarbiyasida ibrat boʻlish bilan birga, oʻzlari faoliyat koʻrsatayotgan tashkilotlar nufuzini oshirishda faol ishtirok etayotgan ayollarni qoʻllab-quvvatlash maqsadida “Yil ayoli” milliy tanlovi oʻtkazililib kelinadi.
Quvonarlisi, bu yilgi tanlovning Respublika bosqichida tumanimizdan ikki ayol:
“Oʻz kasbining ustasi boʻlgan yil ayoli” nominatsiyasi boʻyicha Yangihayot tumani Pensiya jamg'armasi boʻlim boshligʻi Gulnora Mirzaxmatovna Muradova;
”Yilning eng yangi gʻoyalar tashabbuskori” nominatsiyasi boʻyicha Toshkent davlat sharqshunoslik instituti doktoranti Shaxnoza Kamoliddinovna Asqarova faxrli uchinchi oʻringa loyiq koʻrilib taqdirlandi.
Fursatdan foydalanib, ularni gʻalaba bilan muborakbod etamiz va kelgusi faoliyatlarida omadlar tilaymiz.
