10-06-2023
Ma'lumki, tumanimizning ayrim hududlarida elektr ta'minotidan uzilish holatlari kuzatilmoqda.
Bunday holatlarning oldini olish va elektr energiyasi taʼminotida yuzaga kelayotgan muammolarni tezkor hal etish maqsadida tuman hokimi va sektor rahbarlari tashabbusi bilan Yangihayot tumani elektr taʼminoti korxonasida tezkor shtab tuzildi.
Bugun tuman hokimi va 2-sektor rahbari mazkur shtab faoliyati bilan tanishishdi. Mas'ullar bilan elektr ta'minoti bo'yicha murojaatlarga e'tiborli bo'lishni, uzilish holatlari yuzaga kelgan vaziyatda tezkorlik bilan chora ko'rishni ta'kidlab o'tishdi.
