04-08-2022
Шаҳризода Тўраева 7 ёш бўлишига қарамасдан, спортга ўзгача меҳр қўйган. Қаҳрамонимиз боғчада ташкил этилган ўзбек жанг санъати бўйича тўгаракда атига 1 йил мобайнида шуғулланган бўлса-да, кўплаб мусобақаларда совриндор бўлишга улгурган.
Хусусан, 2015 йилда туғилганлар ўртасида ўтказилган найзани нишонга отиш йўналиши бўйича Ўзбекистон кубогида 1 даражали, 7-17 ёшлилар ўртасида ташкил этилган Тошкент шаҳар очиқ чемпионатида 2 даражали диплом билан тақдирланган. Шунингдек, Сергели туман БЎСМ очиқ чемпионатида ўзидан катта ёшдаги рақибларини ҳам мағлуб этиб, 1 ўринни қўлга киритган.
Шаҳризода шу йил энди мактабга чиқади, бироқ унинг спорт бўйича ҳам, билим олиш бўйича ҳам мақсадлари аниқ. У билдирилган ишончни оқлаб, ҳар доим унинг ютуқларидан ота-онаси фахрланиб юришини хоҳлайди.
Орзулари осмон жажжи Шаҳризоданинг ўқиш ва спортдаги фаолиятига омад тилаймиз!
