01-01-2023
Hurmatli yangihayotliklar!
Sizning fidokorona mehnatingiz sababli 2022-yilda tumanimizda barcha sohalarda katta oʻzgarishlar amalga oshirildi. Zamonaviy korxonalar, uy-joylar, yoʻllar qurildi. Taʼlim, tibbiyot, madaniyat va sport maskanlari barpo etildi.
Buning natijasini bugun har bir inson va oila, har bir jamoa oʻz misolida koʻrmoqda. Eng muhimi, odamlarimizning ertangi kunga ishonchi ortmoqda. Bir soʻz bilan aytganda, oʻtayotgan yil tumanimiz tarixida yorqin iz qoldirgan yil boʻldi.
Fursatdan foydalanib Siz, azizlarni, koʻp millatli tumanimiz aholisini Yangi yil bayrami bilan chin qalbimdan muborakbod etaman. Barchangizga oilaviy baxt va salomatlik tilayman. Kirib kelgan 2023-yilning qadami qutlugʻ kelsin!
Yangi yil barchamizga muborak boʻlsin!
Hurmat bilan Yangihayot hokimi Hayot Inogamov
