24-06-2023
Oltin medal olgan bitiruvchilar tantanali taqdirlandi
Tumanimizdagi 16 ta umumta'lim maktabi bitiruvchilaridan 29 nafari oltin, 1 nafari kumush medal bilan maktabni tamomlashdi. 331-umumta'lim maktabida mazkur bitiruvchi-yoshlarni taqdirlash marosimi bo'lib o'tdi.
Unda tuman hokimi, o'qituvchilar, yoshlar va ularning ota-onalari ishtirok etdilar. Hayajon, faxr va yorqin lahzalarga boy o'tgan tadbirda tuman hokimi so'zga chiqib, barcha bitiruvchilarga keyingi hayot yo'llarida omad tiladi.
Sektor rahbarlari o'qishni a'lo baholarga tamomlagan o'g'il-qizlarni oltin va kumush medallar bilan taqdirlab, ularning ota-onalari va ustoz-murabbiylariga tashakkur bildirdi.
