20-09-2022
Туманимиздаги 331-мактабда маҳаллалардаги "Оқила аёллар" ҳаракати аъзолари билан танишув тадбири ўтказилди.
Бундан мақсад жамиятда янги маънавий муҳит яратиш, эзгу ғоялар, миллий қадриятлар, урф-одатлар, муқаддас анъаналарни сингдиришга қаратилган тизимли тарғибот-ташвиқот ишларини олиб боришдан иборат. Йиғилганларга ҳаракатнинг фаолияти, мақсад ва вазифалари ҳақида батафсил маълумот берилиб, "Оқила аёллар"нинг маҳалладаги ўрни атрофлича тушунтирилди.
Шунингдек, учрашув сўнгида миллий анъаналаримизни ўзида мужассам этган саҳна кўринишлари намойиш этилди.
