17-01-2025
Harbiy-vatanparvarlik tadbirlari davom etmoqda
Xabaringiz bor, yangihayotlik yoshlarni harbiy xizmatga qiziqtirish va ularni vatanparvarlik ruhida tarbiyalash maqsadida muntazam tadbirlar o‘tkazib kelinmoqda.
Xususan, bugun tumanimizning "Viqor" mahallasidagi 2-sonli umumta’lim maktabida harbiylar, bir guruh afg‘on urushi qatnashchilari, nuroniylar hamda maktab o‘quvchilari ishtirokida navbatdagi tadbir tashkil etildi.
Tadbir boshlanishida harbiy orkestr tomonidan turli kuy-qo‘shiqlar ijro etildi. Shundan so‘ng, taklif etilgan mehmonlar so‘zga chiqib, vatan tinchligi oliy ne’matligi, uni qadriga yetish, asrab avaylash har bir fuqaroning burchi ekanligi ta’kidladi.
Joylarda bu kabi tadbirlar davom etmoqda.
