18-07-2024
Kuni kecha tumanimizga Bosh prokuror kelib, Favqulodda vaziyatlar vazirligi akademiyasi faoliyati, kadrlar tayyorlash tizimi bilan yaqindan tanishdi.
Shuningdek, tuman prokurori tomonidan tumanimizda elektr energiyasi barqarorligini ta'minlash borasida olib borilayotgan ishlar va rejalar xususida taqdimot bo'lib o'tib, Bosh prokurorga elektr energiyasi va tabiiy gaz ta'minoti tizimi haqida ma'lumotlar taqdim etildi.
Keyingi manzil "Yangi umid" mahallasi bo'lib, bu yerda Bosh prokuror "mahalla yettiligi" faoliyati bilan tanishdi. Mahalla raisi, mahalla yoshlar yetakchisi o'z faoliyatlari, mahallada olib borilayotgan ishlar, o'zgarishlar xususida to'xtalib o'tishdi.
